बागलुङ
कालिका साप्ताहिक, मुक्तिक्षेत्र दैनिक र उत्तरगंगा डट कम अनलाईन सञ्चालनमा ल्याएको उत्तरगंगा पव्लिकेशन प्रालि बागलुङका अध्यक्ष श्रीधर कँडेललाई पितृशोक परेको छ ।
नेपाली काँग्रेस बागलुङका कोषाध्यक्ष समेत रहेका कँडेलका पिता देउदत्त कँडेलको गयराती बागलुङ नगरपालिका—२ स्थीत आफ्नै निवासमा निधन भएको हो । साविक काठेखोला गाउँपालिका—८,साविक लेखानी गाविस वडा नम्बर ३ मा १९८९ वैशाख २३ गते जन्मिएका कँडले गाउँमा सबैको गुरु, सबैको पण्डित र सबैको हजुरवाको रुपमा परिचित थिए ।
उनको शनिबार साँझ करिब साढे आठ बजे ९४ वर्षको उमेरमा निधन भएको हो । शैक्षिक र सामाजिक व्यक्तित्वका रुपमा परिचित कँडेल साविक लेखानी गाविस वडा नम्बर ३ को अध्यक्ष समेत भएर काम गरेका थिए । ज्योतिष पण्डितको रुपमा चिरपरिचित उनले लेखानीमा धेरैको चिना बनाउने काम समेत गरेका छन् ।
उनका दुई श्रीमतीमध्ये भिमकुमारी कँडेलको निधन भैसकेको छ भने टिकादेवी कँडेल अहिले पनि छिन् । स्वर्गीय कँडेलका दुई श्रीमतीबाट ६ छोरा र ५ छोरीको जायजन्म भएको छ ।
टिप्पणी गर्नुहोस्