बागलुङ :
युवाहरुको सञ्जाल एमआआर ग्रुप मेन्स रुम रिलोडेडले गौरीधाम शिवमन्दिर उपल्लाचौर बागलुङमा शिव भजन कृतन गरेको छ । १८ वर्षदेखि माथिको देशभरका ५३ हजार युवा रहेको यो समुहले पोखरा, बुटवल, काडमाडौं चितवन लगायतका ठाउँमा भजन कृतन कार्यक्रम गर्दै आएको थियो ।
साउने सोमबारको सन्दर्भ पारेर सोमबार बिहान मन्दिरमा भजन कृतन गरेको समुहका सदस्य कुल कँडेलले बताए । ‘युवालाई युवासंग जोड्न, संस्कृति जगेर्ना एवं संस्कृतिसंग युवा जोड्नका लागि भजन कृतन कार्यक्रम राखिएको उनले जानकारी दिए । बागलुङ बजारमा रहेका ग्रुपका सदस्य युवाहरुको सहभागिता रहेको थियो ।
टिप्पणी गर्नुहोस्