जलजलाका नवनिर्वाचित जनप्रतिनिधीको प्राथमिकतामा ‘स्वास्थ्य’

पर्वतको जलजला गाउँपालिकाका नवनिर्वाचित अध्यक्ष तथा उपाध्यक्षले स्वास्थ्यलाई पहिलो प्राथमिकतामा राखेर विभिन्न निर्णय गरेका छन् । नवनिर्वाचित अध्यक्ष राजु आचार्य र उपाध्यक्ष दीपक आचार्यले पदभार ग्रहण गर्दै सो निर्ण गरेको गाउँपालिकाका प्रमुख प्रशासकिय अधिकृत राजेन्द्रबहादुर क्षेत्री जानकारी दिए ।

गाउँपालिकाले ६० वर्ष माथिका जेष्ठ नागरिकको मनबोल उच्च राख्नको लागी नियमित स्वास्थ्य परिक्षण गराउने, जनअपेक्षा अनुसारको सेवा उपलब्ध गर्ने निर्णय गरेको उनले जानकारी दिए ।

पालिकावासीलाई लक्षित गरि सवै वडाका स्वास्थ्यसंस्थामा महिनाको एकपटक स्वास्थ्यकर्मीबाट रक्तचाप, मधुमेह लगायतका परिक्षण तथा जाँच गर्ने निर्णय भएको छ । त्यस्तै, बालबालिका तथा जेष्ठ नागरिहरुमा देखिने विभिन्न रोग लक्षित कार्यक्रमहरु गरि सबै जनतालाई स्वास्थ्य सेवा उपलब्ध गराउने निर्णय भएको छ ।