जिल्लामा विकास निर्माणका लागि आएको ६३ करोड बढि बजेट फ्रिज भएको छ । कोष तथा लेखा नियन्त्रण कार्यालयका अनुसार बागलुङका विभीन्न कार्यालय र स्थानीय तहमा विकास बजेटको रुपमा विनीयोजन भएको ६३ करोड ३१ लाख ४५ हजार सात सय ८१ रुपैयाँ फ्रिज भएको हो । आर्थिक वर्ष २०७७÷०७८ का लागि जिल्लामा आएको पुँजीगत बजेटमा काम हुन नसकेपछि उक्त रकम फ्रिज भएको हो ।
गत आर्थिक वर्षमा बागलुङ जिल्लाका लागि संघीय सरकार मातहतका कार्यालयले कार्यसम्पादन गर्नेगरी एक अर्ब ७२ करोड एक लाख ७८ हजार ९ सय ८० रुपैयाँ विनीयोजन भएको थियो ।
विनीयोजित बजेटमध्ये ३४ करोड २४ लाख ६१ हजार नै सय ९० रुपैयाँ फ्रिज भएको छ । संघीय कार्यालयहरु अन्तर्गतको पुँजीगत खर्च ८०.०९ प्रतिशत मात्रै रहेको ज्ञानेन्द्रराज वझाले बताए । ‘संघीय कार्यालयहरुको समग्रमा ८७.०३ प्रतिशत प्रगति रहेको देखिन्छ, पँुजीगत खर्चमा ८०.०९ प्रतिशत प्रगतिलाई पनि राम्रो मान्न सकिन्छ,’ उनले भने ।
संघीय कार्यालय अन्तर्गत जिल्ला आयोजना कार्यान्वयन इकाई भवनतर्फ ठूला रकम फ्रिज भएको छ । यो कार्यालयका लागि ७ करोड ८ लाख ५० हजार रुपैयाँ विनीयोजन भएकोमा जम्मा दुई करोड ६८ लाख १६ हजार चार सय ४३ रुपेैयाँ मात्रै खर्च भएको छ ।
सडक डिभीजन कार्यालय बागलुङ मार्फत योजना कार्यान्वयनका लागि ७४ करोड ६४ लाख ५० हजार विनीयोजन भएकोमा ५८ करोड ८३ लाख ५० हजार पाँच सय २७ रुपैयाँ मात्रै खर्च हुन सकेको छ । बडिगाड गाउँपालिकाका लागि एक करोड रुपैयाँ विनीयोजन भएकोमा ८६ लाख ६० हजार सात सय १८ रुपैयाँ खर्च भएको छ ।
बागलुङ नगरपालिकामा एक करोड ५० लाख ८० हजार विनीयोजन भएर आएकोमा एक कराड २४ लाख ८५ हजार ९ सय ५० रुपैयाँ खर्च भएको कोष तथा लेखा नियन्त्रण कार्यालय बागलुङले जनाएको छ । जिल्ला आयोजना कार्यान्वयन ईकाईका लागि ८ करोड २८ लाख ६० हजार बजेट विनीयोजन भएकोमा ७ करोड ६४ लाख ४६ हजार ९१ रुपैयाँ खर्च गर्न सफल भएको छ ।
उच्च अदालत बागलुङका लागि चार करोड ६ लाख रुपैयाँ विनीयोजन भएकोमा ६ ला मात्रै खर्च भएर चार करोड रुपैयाँ फ्रिज भएको छ ।
ढोरपाटन शिकार आरक्ष कार्यालयका लागि एक करोड ९७ लाख ४० हजार बजेटमा एक करोड ९६ लाख ८४ हजार ३७ रुपैयाँ खर्च गरेको छ ।
जिल्ला कार्यान्वयन ईकाई शिक्षातर्फ ३३ करोड १५ लाख ५५ हजार ९ सय ८० रुपैयाँ विनीयोजन भएकोमा ३२ करोड एक लाख २० हजार ९ सय १६ रुपैयाँ खर्च भएको छ । सघन शहरी विकास तथा भवन निर्माण आयोजना कार्यालयमा २६ लाख ८९ लाख ३३ हजार विनीयोजन गरिएकोमा २२ करोड १४ लाख १३ हजार ३३ रुपैयाँ खर्च गरेको छ ।
नयाँ शहर आयोजना बुर्तिबाङका लागि ६ करोड ७ लाख ५० हजार रुपैयाँ विनीयोजन भएकोमा ५ करोड ८५ लाख १३ हजार नौ सय तीन रुपैयाँ खर्च गरेको छ । बरेङ गाउँपालिकाका लागि आएको एक करोड ३ लाख रुपैयाँ विनीयोजन भएकोमा १९ लाख ५६ हजार तीन सय १२ रुपैयाँ मात्र खर्च गरेको छ ।
प्रदेश सरकार अन्तर्गत कार्यालयबाट कार्यान्वयन हुनेगरी बागलुङमा विनीयोजन भएको पुँजीगत खर्चमा २९ करोड ६ लाख ८३ हजार सात सय ९१ रुपैयाँ खर्च भएको छ । प्रदेश कार्यालयका लागि दुई अर्ब ६ करोड ८९ लाख ८८ हजार रुपैयाँ विनीयोजन भएकोमा एक अर्ब ७७ करोड ८३ लाख चार हजार दुई सय ९ रुपैयाँ मात्रै खर्च भएको छ ।
खानेपानी तथा सरसफाई डिभीजन कार्यालयका लागि ७९ करोड १० लाख १० हजार विनीयोजन भएकोमा ७९ करोड चार लाख ६० हजार दुई सय ४८ खर्च गरेको छ । पूर्वाधार विकास कार्यालयका लागि ९३ करोड ९ लाख रुपैयाँ आएकोमा ७१ करोड ५४ लाख ३० हजार आठ सय ८६ रुपैयाँ खर्च भएको छ ।
जलस्रोत तथा सिंचाई विकास डिभीजन कार्यालयका लागि २० करोड ६ लाख एक हजार विनीयोजन भएकोमा १५ करोड ६६ लाख ७९ हजार पाँच सय १५ रुपैयाँ खर्च गरेको छ ।
धौलागिरि अञ्चल अस्पतालका लागि पाँच करोड ६० लाख ८० हजार रुपैयाँ बजेट विनीयोजन गरिएकोमा चार करोड २८ लाख ३६ हजार एक सय चार रुपैयाँ खर्च गर्न सफल भएको कोष तथा लेखा नियन्त्रण कार्यालय बागलुङका सूचना अधिकारी दयाराम शर्माले बताए ।
कोरोनाको समस्याका बापजुद पनि बागलुङमा विकास बजेटको खर्च राम्रो देखिएको प्रमुख कोष नियन्त्रक वझा बताउँछन् ।
‘अनावश्यक ठाउँमा बजेट राख्ने र खर्च नहुने समस्या देखिन्थ्यो, बागलुङमा खर्च हुने ठाउँमा बजेट राखेको भएर पनि यस्तो हुनसक्छ,’ उनले भने,‘कोरोनाको समयमा पनि ८० प्रतिशत पुँजीगत खर्चलाई राम्रो रुपमा लिनुपर्छ ।’
यो बिषयमा तपाईको प्रतिकृया