नेपाली काँग्रेसको सुभेच्छुक संस्था नेपाली जनसम्पर्क समिति इजरायको सभापतिमा दीपिका भुसाल सर्वसम्मत चयन भएकी छिन् । प्रवासमा रहेर नेपाली काँग्रेसमा आस्था विश्वास राख्नेहरु आवद्ध भएको नेपाली जनसम्पर्क समिति इजरायलको तेस्रो अधिवेसनबाट भुसालको नेतृत्वमा सर्वसम्मत समिति चयन भएको हो ।
पर्वत घर भई हाल इजरायलमा रहेकी भुसाल यसअघि नेपाली जनसम्पर्क समिति इजरायलको उपसभापति थिईन् ।
लामो समयदेखि ईजरायलमा रहेकी भुसासल गैर आवासीय नेपाली संघ अन्तर्राष्ट्रिय समन्वय परिषदको विभिन्न परियोजनासंगै पर्वत सेवा समाज नेपाल र अन्तर्राष्ट्रिय पर्वत समाज नेपालमा समेत आवद्ध छिन् ।
देशलाई विषम परिस्थीतिबाट पार लगाउनका लागि नेपाली काँग्रेसको काँधमा जिम्मेवारी आएकाले पार्टीका संगठनलाई थप मजबुद बनाउनुपर्ने उनको भनाई छ । प्रवासमा रहेर पनि नेपाली काँग्रेसलाई बलियो बनाउनका लागि भूमिका खेल्ने उनले बताईन् । उनी सहित सबै कार्यसमिति सर्वसम्मत चयन भएको हो ।
समितिको उप–सभापतिहरूमा अनु थापा, नितु कार्की, कटक श्रेष्ठ रहेका छन् । महामन्त्रीहरूमा मातृका तिमिल्सिना, माया खनाल, सह–महामन्त्रीहरूमा लाल दुरा, सुमित्रा दवाडी, सविषा शिलवाल र मनोनीत सह–महामन्त्रीमा राजकुमारी श्रेष्ठ चयन भए । कोषाध्यक्षमा विनिता बराम चयन भएकी छिन् ।
प्रभा घिमिरे बागमती प्रदेश, चन्द्रकला कुमाल गण्डकी प्रदेश, भक्ति सापकोटा लुम्बिनी प्रदेश प्रमुखमा चयन भएका छन् ।
समितिको सदस्यहरूमा राधिका कँडेल, सोनाम हेलम्बु, बुद्धिमाया तामाङ, ललिता विष्ट, निर्मला राय, नारद बोगटी, पुजनप्रकाश उपाध्याय, दीपक भुसाल, किसनकुमार थारु र अरुणा खड्का चयन भएका छन् ।
नेपाली काँग्रेसको आगामी महाधिवेसनमा माग लिएका महाधिवेसन प्रतिनिधिहरुमा देवी भुसाल ‘दीपिका’, खगेश्वर अधिकारी, सुवास खरेल, अनु थापा, राजेन्द्र खनाल, राज छत्कुली र सूर्यबहादुर राना चयन भएका छन् ।
यो बिषयमा तपाईको प्रतिकृया