जिल्लाको गलकोट नगरपालिका—१० पाण्डवखानीको सिद्धथानदेखि बागलुङ जिल्लाकै प्रसिद्ध धार्मिक स्थल घुम्टे जाने बाटो पद मार्गमा जोडिएको छ ।
प्रधानमन्त्री स्वरोजगार कार्यक्रम अन्तर्गत गलकोट नगरपालिकाबाट विनीयोजित आर्थिक वर्ष ०७८÷७९ को बजेट ५ लाख ६७ हजार रकमबाट ४५५ मिटर सोलिङ र ३५० मिटर सिंडी गरी जम्मा ८ सय मिटर पद मार्ग निर्माण भएको निर्माण समितिका अध्यक्ष गंगबहादुर काउचाले जानकारी दिए ।
५० हजार बराबरको श्रमदान भएको पदमार्ग निर्माण कार्य असार १५ देखि सुरु भइ असार ३० गते सम्पन्न भएको अध्यक्ष काउचाले जानकारी दिए ।
कोरोना महामारीका कारणले गर्दा समयमा काम हुन सकेको थिएन,’ उनले भने,‘हामीले १५ दिनको बीचमा सबै काम सम्पन्न गरेका छौं । आठ सय मिटर घुम्टे जोड्ने पदमार्ग तयार भएको छ । त्यसमा हामीले आफ्नो तर्फबाट जनश्रमदान समेत गरेका छौं ।’
पदमार्ग निर्माण भएसंगै घुम्टे लेखमा पुगेर घुम्टेमा रहेको धार्मिक स्थलहरुको दर्शन गर्न पूजाआजा गर्न सहज हुने र विशेषगरी आन्तरिक बाह्य पर्यटनहरुलाई सहज हुने सिद्धथान सामुदायिक होम स्टेका अध्यक्ष खिमबहादुर पुनले बताए ।
‘पछिल्ला दिनहरुमा घुम्टेप्रति मानिसहरुको चासो र आकर्षण बढेको छ,’ उनले भने,‘घुम्टेमा पूजापाठ गर्न आउने र घुम्न आउनेहरु पनि छन् । यो पदमार्गले पर्यटन विकास र घुम्टेको प्रवद्र्धनका लागि ठूलो टेवा पुग्नेछ ।’ यसअघि घुम्टे जानलाइ असहज हुनुका साथै धेरै समय खर्चिनुपर्ने बाध्यता रहेकोमा अब त्यो बाध्यता अन्त्य भएको सिद्धथान सामुदायिक होम स्टेका अध्यक्ष पुनले बताए ।
यो बिषयमा तपाईको प्रतिकृया