सिवाईसी वचत तथा ऋण सहकारी संस्था लि. बागलुङको २३ औ कार्यालय तथा २२ औ सदस्य सेवा केन्द्र कुश्मा न.पा. खुर्कोटको बगैचामा आज एक कार्यक्रमका विच समुद्घाटन गरिएको छ । कुश्मा न.पा.–२ खुर्कोटका वडा अध्यक्ष श्री यदुनाथ शर्माले बुधवार एक कार्यक्रमका विच कार्यालय समुद्घाटन गरेका थिए ।
नव बर्षको सन्दर्भ पारेर सिवाईसी साकोसले कुश्मा न.पा. वडा नं १ पाङ वडा नं २ खुर्कोट र जलजला गा.पा. ९ बनौँमा सेवा विस्तार गर्ने लक्ष्य सहित नयाँ सदस्य सेवा केन्द्र सुरुवात गरेको हो । कार्यक्रममा बोल्दै कुश्मा न.पा. बडा नं २ का अध्यक्ष यदुनाथ शर्माले सिवाईसी सासकोसले दुरदराजमा पुगेर कृषि उद्यम गरिरहेका सदस्यहरुको आर्थिक उत्थानमा कार्य गर्ने विश्वास व्यक्त गरे । सिवाईसी सकोस जस्तै वित्तीय कारोबार गर्ने संस्था यस क्षेत्रको अवश्यकता हो भन्दै, पाङ–खुर्कोट–बनौ क्षेत्रका मानिसलाई आर्थिक आयआर्जन र सम्वृद्धिका लागि महत्वपूर्ण बताए ।
कार्यक्रममा खुर्कोट युवा क्लवका अध्यक्ष तिर्थ प्रसाद सुवेदीले सिवाईसी साकोसले अन्य यहाँ भएका सामाजिक संघसंस्थाहरु सँग सहकार्य गर्दै अगाडी बढ्नुपर्नेमा जोड दिउ । पाङ कृषि सहकारी संस्था लि.का अध्यक्ष विज्ञान मल्लले सिवाईसी सहकारीको अभियानबाट आफु प्रभावित भएको बताउँदै आगामी दिनमा सहकारीले अन्य सहकारीसँग समन्वय र साझोदारी गर्दै अरुलाई पनि सिकाउँदै अगाडी बढन सकोस भन्दै शुभकामना व्यक्त गरे ।
कार्यक्रममा सिवाईसी साकोसका अध्यक्ष चण्डिप्रसाद शर्माले सहकारीको विगत, वर्तमान र भविष्य योजना सहित सहकारीले हाल दिइरहेको वित्तिय तथा गैरवित्तीय सेवाहरुका बारेमा प्रकाश पारेका थिए । सिवाईसी सकोसको सहायक प्रवन्धक शिवप्रसाद शर्माको संचालन र अध्यक्ष चण्डीप्रसाद शर्मा पौडेलको अध्यक्षता भएको कार्यक्रममा सिवाईसी साकोसका सल्लाहकार सिता शर्मा, कुश्मा न.पा. वडा नं २ का कार्यवहाक अध्यक्ष विरेन्द्र रिजाल, कोषाध्यक्ष सिता देवी सापकोटा कंडेल, शेयर सदस्य जयराम सुवेदी लगाएतले शुभकामना मन्तव्य व्यक्त गरेका थिए ।
यस सँगै सिवाईसी साकोसका २२ सदस्य सेवा केन्द्र र २३ बटा कार्यालय पुगेका छन् । सिवाईसी साकोसमा हाल सम्म १७ हजार ५ सय जना शेयर सदस्य आवद्ध रहेर यसका विभिन्न वित्तिय तथा गैरवित्तीय सेवाहरुमा सहभागी भएका थिए ।
यो बिषयमा तपाईको प्रतिकृया