बागलुङ बैशाख ०१
बचत तथा ऋणको कारोबार गर्ने सहकारीहरुको लहरमा रचनात्मक कार्यहरुको सुरुवात हुन थालेको छ । क्रण तथा बचतमा मात्र केन्द्रित हुने सहकारीहरु अहिले रचनात्मक कार्य गर्न अग्रसर हुन थालेका छन् ।
यसैको एक उदाहरण बागलुङको एक सहकारीले आफ्नो स्थापनाको तेस्रो बार्षिक उत्सवको अवसरमा अन्तर माबि स्तरिय हाजिरजवाफ प्रतियोगिता आयोजना गरेको छ । बागलुङ नगरपालिकामा पहिलो सहकारीको रुपमा तीन वर्ष अगाडि दर्ता भएको साझा चौतारि युवा उद्यमसिल सहकारी संस्थाले आफ्नो तेस्रो बार्षिक उत्सवको अवसरमा बागलुङको आर्दश बिद्यामन्दिरमा माध्यामिक बिद्यालयमा उक्त कार्यक्रम सम्पन्न गरेको हो । बागलुङ बजार भित्रका ६ बिद्यालयका बिद्यार्थी सहभागी भएको प्रतियोगितामा न्यु ओएसीस एकेडेमी प्रथम, चिल्ड्रेन लाइफ बोर्डिङ स्कुल द्वितीय र फ्यूचर ब्राइटर बोर्डिङ स्कुल तृतीय भएका छन ।
२०७५ साल बैशाख १ गतेबाट आफ्नो कारोबार सुरु गरेको सहकारिले विभिन्न समयमा रचनात्मक कृयाकलाप गर्दै आएको संस्थाका अध्यक्ष मनोज थापाले बताए । त्यसैगरि, एन ब्यावसन नेपालका केन्द्रिय सदस्य बालकृष्ण शर्माले सहकारी बचत तथा क्रणमा मात्र सिमित नभई बिद्यार्थीहरु संग प्रत्यक्ष सम्बन्ध राख्ने कार्यक्रममा अग्रसर रहेको र जिल्लामा रहेका अन्य संस्थाहरुले पनि यस सहकारीको सिको गर्न जरुरी रहेको बताएका छन् ।
यसै क्रममा संस्थाको बार्षिक उत्सव तथा नयाँ वर्ष २०७८ स्वागत सँगै संस्थामा कार्यरत कर्मचारीहरु बिच निबन्ध वाचनमा अप्सरा जि. सी. उत्कृष्ट हुन सफल भएका छन् । कार्यक्रम सहकारी संस्थाका अध्यक्ष मनोज थापाको अध्यक्षता, उषाध्यक्ष राजु प्रसाद शर्माको स्वागत तथा सेयर सदस्य राम प्रसाद घिमिरे र शिव केसीको संचालनमा सम्पन्न भएको थियो ।
यो बिषयमा तपाईको प्रतिकृया