रोट्रायाक्ट क्लब अपm बागलुङ तथा ‘वेलनेश टिम’ले संयुक्त रुपमा आयोजना गरेको स्वास्थ्य शिविरको पहिलो दिन शनिबार करिब २०० जनाले सेवा लिएका छन् । १११औ अन्तर्राष्ट्रिय नारी दिवसको अवसरमा दुई दिने स्वास्थ्य शिविर सञ्चालन गरेकोमा ताराखोला गाउँपालिका वडा नम्बर १, २ र ३ का करिब २०० जनाले स्वास्थ्य शिविरको सेवा लिएका थिए ।
पहिलो दिन सेवा लिने बिरामीमा प्रायः पाठेघर सम्बन्धी समस्या देखिएको ‘बेलनेश टिम’की संयोजक नितु खड्काले बताईन् । उनले भनिन्‘ प्राय महिलामा सेतो पानी बग्ने, आङ् झर्ने, लगायतका महिला रोग बढी मात्रामा देखिएको छ । हाम्रो शिविर उनीहरुकै लागि हो, सबैलाई उपचारको व्यवस्था पनि गरेका छौं ।’ सामान्य परिक्षणका लागि आउने बिरामीको संख्या पनि ठूलो रहेको उनको भनाई छ । ‘सामान्य ज्वरो आउने, रुघा लाग्ने, पेट दुख्ने समस्या भएका बिरामीहरु पनि उपस्थित हुनुहुन्थ्यो, सामान्य जाँचपछि आवश्यक औषधी दिएका छौं,’ खड्काले भनिन् ।
शिविरमा परिवार नियोजन सेवा आइयूसीडी इम्प्लान्ट गरिने उनको भनाई छ । परिवार नियोजनको हकमा भने पहिले भन्दा अहिले ज्यादै सुधार भएको पाईएको उनले जानाकारी दिईन । उनले भनिन् ‘पहिले परिवार नियोजन पाप हो भन्ने समुदायमा अहिले सन्तानको ईच्छा पुगे पछि परिवार नियोजन गर्ने क्रम बढेको रहेछ, जुन सकरात्मक छ ।’
शिविरको अन्तिम दिन आईतबार वडा नम्बर ५ को धस्मरमा रहेको ताराखोला स्वास्थ्यचौकिमा शिविर संचालन हुने रोट्रयाक्ट क्लब अफ बागलुङका प्रस्तावित अध्यक्ष झोकेन्द्र थापाले बताएका छन् । शिविर सञ्चालनका लागि विजनेश एण्ड प्रोफेसनल वमेन ईन्टरनेश्नल, ताराखोला गाउँपालिका, मेरो डेन्टल होम तथा निलगिरी अस्पतालले सहयोग गरेका छन् ।
यो बिषयमा तपाईको प्रतिकृया