जिल्लाको गलकोट नगरपालिका—१० पाण्डवखानीमा नेपाल तरुण दल वडा कमिटी गठन गरिएको छ । जसमा अध्यक्ष कुमार पुन, उपाध्यक्ष लाल प्रसाद पुन र दानश काउचा, सचिव कमल श्रीस, सह–सचिव युवराज शाही, कोषाध्यक्ष कमला थापा, सदस्यहरुमा दिपक काउचा, रामु शाही लगाय २१ सदस्यीय समिति गठन गरिएको छ । कार्यक्रममा बोल्दै संविधानसभा सदस्य नरबहादुर पुन निरजले पाण्डवखानीमा नेपाली काँग्रेसको पकड रहेता पनि राजनैतिक शुद्धिकरण हुन जरुरी रहेको बताए ।
उनले जनताले राजनैतिक दलहरुलाइ विश्वास गर्ने वातावरण बनाउन भातृ तथा सुभेच्छुक संघको ठूलो भूमिका रहेको हँुदा देशव्यापी रुपमा विस्तार गर्ने अभियानमा लाग्न सम्पूर्ण तरुण हरुलाइ आग्रह गरे । नेपाली काँग्रेस क्षेत्रीय कार्यसमिति क्षेत्र नम्बर २ का सचिव तिलक घर्तीले लोकतन्त्रमा मात्र जनताको अधिकार सुनिश्चित हुने भएको हुँदा आम जनतालाइ लोकतान्त्रिक अभियानमा सरिक गराउन नेता तथा कार्यकर्तामा अपिल गरे ।
नेपाली काँग्रेस वडा कार्य समिति पाण्डबखानीको आयोजनामा भएको भेटघाट कार्यक्रममा नेपाली काँग्रेस क्षेत्रीय कार्यसमिति क्षेत्र नम्बर २ का सचिव तिलक घर्ती, जिल्ला सदस्य रामप्रसाद वि.क, नेपाल तरुणदल जिल्ला कोषाध्यक्ष देबेन्द्र घर्ती, नेपाल प्रेस युनियन जिल्ला सदस्य सुरेश छन्त्याल, नगर प्रतिनिधि तथा तरुण दलका जिल्ला सदस्य नवीन शेरचन, तरुणदलका नगर सभापति गोरख भण्डारी, वीपी कोइराला युवा नेतृत्व विकास गलकोटका सभापति रविन बोहोरा लगायतको सहभागीता रहेको थियो ।
सभापति देवराज पुनको अध्यक्षता सचिव ज्ञान श्रीसको सञ्चालनमा सम्पन्न भएको थियो। यसैबीच तरुण दल बागलुङले आफ्नो संगठन विस्तारको क्रम तीब्र पारेको छ । जस अन्तर्गत आईतबार गलकोट नगरपालिका वडा नम्वर ९ मा वडा स्तरीय तरुण दलको पुनर्गठन गरिएको छ । खगेन्द्र मान खत्रीको अध्यक्षतामा ५४ सदस्यीय तरुण दलको पुनर्गठन गठन गरिएको हो ।
तरुण दलको उपाध्यक्षमा दिलिप खरेल, कृष्ण प्रसाद गौतम, बिदुर खरेल, सचिवमा ईश्वर गौतम, सह सचिव सरस्वती सापकोटा, कोषाध्यक्ष कमल खरेल तथा सह कोषाध्यक्ष माधव गौतम रहेका छन् । कार्यक्रममा बोल्दै तरुण दल जिल्ला सदस्य पवन हमालले नेपाल तरुण दलको सिद्धान्त, आदर्श र भावना अनुसार काम गर्न आग्रह गरे । उनले संगठन निर्माण, दलको नीति तथा निर्देशन अनुसार एकताबद्ध हुदैं देश बिकासमा अग्रसर हुन युवाहरुलाई आग्रह गरे ।
कार्यक्रममा नेपाली काँग्रेस क्षेत्र नम्बर २ का पूर्व क्षेत्रीय सभापति घनश्याम गौतम, गलकोट नगर उपसभापति यज्ञ प्रसाद सापकोटा लगायतले शुभकामना मन्तब्य व्यक्त गरेका थिए । कार्यक्रम तरुण दल गलकोट नगरपालिका वडा नम्वर ९ का निवर्तमान अध्यक्ष चिराग रानाको अध्यक्षता, उपाध्यक्ष मिन बहादुर केसीको स्वागत तथा सचिव कृष्ण प्रसाद गौतम र ईश्वर गौतमको सञ्चालनमा सम्पन्न भएको थियो ।
यो बिषयमा तपाईको प्रतिकृया