जिल्लाको तमानखोलाका तारा बुढा बचाउ अभियानमा १० लाख रुपैयाँ संकलन भएको छ । तमानखोला गाउँपालिका– ३ का १६ वर्षीय बुढा बचाऊ अभियानमा बिहिबारसम्म १० लाख रुपैयाँ संकलन भएको गाउँपालिका अध्यक्ष अध्यक्ष जोकलाल बुढा मगरले जानकारी दिए । अध्यक्ष बुढा नेतृत्वमा उक्त अभियान संचालन गरिएको थियो ।
गत माघ २१ गते विद्यालयको छतबाट खसेर ६ दिनसम्म बेहोस बनेका ताराको थप उपचारको लागि रकम संकलन अभियान थालिएको थियो । परिवारको आर्थिक अवस्था कमजोर भएका ताराको उपचारमा अभाव नहोस भन्ने उद्धेश्यले आर्थिक सहयोग सकंलन अभियान थालिएको गाउँपालिका अध्यक्ष बुढाले जानकारी दिए । धनगौज्योति माध्यामिक विद्यालयमा कक्षा ९ मा अध्यनरत ताराको उपचारको लागि हेलिकप्टर मार्फत पोखराको मणिपाल अस्पताल पु¥याईएको थियो ।
२१ दिनको उपचारपछि बिहिबार मात्र तारालाई अस्पतालले डिस्चार्ज गरेको छ । हेलिकप्टरको चर्टर, अस्पतालमा खर्च गरि हालसम्म करिब ३ लाख रुपैयाँ बराबर खर्च भएको अध्यक्ष बुढा मगरले जानकारी दिए । बाँकी रहेको रकम केही दिनमा नै तारालाई हस्तान्तरण गरिने उनले बताए । तारा बुढा बचाऊ सहयोग अभियानमा देश विदेशबाट विभिन्न व्यक्ति तथा संघसंस्थाहरुले सहयोग गरेका थिए ।
बुढाले गाउँपालिकाको तर्फबाट सहयोगी दातालाई धन्यवाद समेत दिएका छन ।
ताराको टाउकोमा गम्भीर चोट लागेको थियो । ताराको परिवारमा बाबु आमा, दुई बहिनी गरी पाँच जना रहेका छन । खेती किसानीमा निर्भर रहेको परिवारमा आर्थिक अवस्था कमजोर भए पछि सहयोग संकलन अभियान संचालन गरिएको हो ।
यो बिषयमा तपाईको प्रतिकृया